ལེགས་སྦྱར་བ་༣ གྱི་ འདོད་སྤྱོད་གནོད་འཚེའི་ སྟ་གོན་སྙན་གསན་འབད་ཡོདཔ།

༉ ཀྲོང་གསར་ཁྲིམས་སྲུང་འགག་སྡེ་གིས་ ཁྲིམས་འདུན་ལུ་ སྟག་རྩེ་མཐོ་རིམ་སློབ་གྲྭའི་ ལེགས་སྦྱར་༣ ལུ་ འདོད་སྤྱོད་གནད་འཚེའི་ རྩོད་བཤེར་བཙུགས་ཡོད་མི་ སྟ་གོན་སྙན་གསན་དེ་ སྤྱི་ཟླ་༨ པའི་ཚེས་༡༡ ལུ་ འགོ་འདྲེན་འཐབ་ཅི།
འགག་སྡེའི་ཁྲིམས་རྩོདཔ་གིས་ ཁྲིམས་འདུན་ལུ་ ཉེས་འཛུགས་ཅན་ལེགས་སྦྱར་བ་༣ ལུ་ འདོད་སྤྱོད་གནད་འཚེའི་ དབྱེ་བ་ཚུ་ ཁ་གསལ་སྦེ་ཕུལ་ཡི།
སྤ་རོ་ལས་ཨིན་མི་ ལེགས་སྦྱར་བ་བགྲེསཔ་ལུ་ འདོད་སྤྱོད་གནོད་འཚེ་ཐེངས་༤ འབད་ཡོདཔ་ད་ དབང་འདུས་ལས་ཨིན་མི་ལེགས་སྦྱར་བ་ལུ་དབྱེ་བ་༥ དེ་བཟུམ་སྦེ་ ཆུ་ཁ་ལས་ཨིན་མི་ ལེགས་སྦྱར་བ་ལུ་ དབྱེ་བ་༡ ཕུལ་ཡི།
ཀྲོང་གསར་ཁྲིམས་སྲུང་འགག་སྡེ་གིས་ རྩོད་དཔོན་ཡོངས་ཁྱབ་ཡིག་ཚང་ལས་ཐོབ་མི་ སྟག་རྩེ་མཐོ་རིམ་སློབ་གྲྭའི་ སྙན་ཞུ་དེ་ བསྐྱར་ཞིབ་འབད་ཞིནམ་ལས་ སྤྱི་ཟླ་༨ པའི་ཚེས་༢ ལུ་ ཀྲོང་གསར་ཁྲིམས་ཀྱི་འདུན་སར་ རྩོད་བཤེར་གྱི་དོན་ལུ་ བཤེར་ཡིག་བཙུགས་ཡོདཔ་ཨིན་པས།
མཐོ་རིམ་སློབ་གྲྭ་ནང་ འདོད་སྤྱོད་དང་འབྲེལ་བའི་གནོད་འཚེའི་སྐོར་ལས་ འགོ་དང་པ་ སློབ་ཕྲུག་བུམོ་༡༩ གིས་ ཉོགས་བཤད་བཀོད་པའི་ཤུལ་ལས་ སློབ་གྲྭའི་བདག་སྐྱོང་གིས་ ལེགས་སྦྱར་བ་༩ དང་ རྒྱབ་རྟེན་ལས་བྱེདཔ་༡ དགོངས་ཞུ་བཏང་ཡོདཔ་ཨིན་པས།
མཐོ་རིམ་སློབ་གྲྭ་གིས་ སྤྱི་ཟླ་༥ པའི་ཚེས་༡༧ ལུ་ རྒྱལ་གཞུང་འབྲུག་གི་འགག་སྡེ་ལུ་ མཐོ་རིམ་སློབ་གྲྭ་གིས་ ངེས་པར་དུ་ དགོངམས་ཞུ་དགོ་པའི་བཀའ་རྒྱ་ཐོག་ལས་ ལེགས་སྦྱར་བ་༡༠ དགོངསམ་ཞུ་བཅུག་མིའི་རྩོད་ཉོགས་ ཐོ་བཀོད་འབད་ཡོདཔ་ཨིན་པས།
ཁྲིམས་སྲུང་འགག་སྡེའི་ ཡིག་ཚང་ལྟེ་བ་གིས་བཏང་མི་ དམིགས་བསལ་ཞིབ་དཔྱད་སྡེ་ཚན་དང་ ཀྲོང་གསར་ཁྲིམས་སྲུང་འགག་སྡེ་གིས་ སྟག་རྩེ་མཐོ་རིམ་སློབ་གྲྭའི་ནང་ ལེགས་སྦྱར་བ་དང་ སློབ་ཕྲུག་བུམོ་ཚུ་གི་བར་ན་ ཁ་ཉེས་བྱུང་མི་དེ་ལུ་ ཞིབ་དཔྱད་འབད་ཡོད་པའི་ སྙན་ཞུ་དེ་ སྤྱི་ཟླ་༦ པའི་ཚེས་༢༧ ལུ་ རྩོད་དཔོན་ཡོངས་ཁྱབ་ཡིག་ཚང་ལུ་ བཏང་ཡོདཔ་ཨིན་པས།
རྩོད་དཔོན་ཡོངས་ཁྱབ་ཡིག་ཚང་གིས་ རྩོད་རྙོགས་ཀྱི་ ཞིབ་དཔྱད་སྙན་ཞུ་དེ་ བསྐྱར་ཞིབ་འབད་བའི་ཤུལ་ལས་ སྤྱི་ཟླ་༧ པའི་ཚེས་༡༠ ལུ་ ཀྲོང་གསར་ཁྲིམས་སྲུང་འགག་སྡེ་ལུ་ ལོག་བཏང་ཡོདཔ་ཨིན་པས།
དེ་ཡང་ ཁྲིམས་སྲུང་འགག་སྡེ་གིས་ ལེགས་སྦྱར་བ་དགོངས་ཞུ་བཏང་མི་༤ ལུ་ ཡིག་ཚང་གི་ བྱ་སྤྱོད་ལས་འགལ་མི་དང་ དབང་བཙོང་འདོད་སྤྱོད་ཀྱི་དཔའ་བཅམ་མི་ དེ་ལས་ དོ་དམ་ནང་གི་ བཙན་གཡེམ་འབད་བའི་ ཉེས་འཛུགས་འབད་མི་ཚུ་ རྩོད་དཔོན་ཡོངས་ཁྱབ་ཡིག་ཚང་གིས་ ཕྱིར་བཤོལ་ཐོག་ ལེགས་སྦྱར་བ་༣ ལུ་ བརྡབ་གསིག་གི་ འཁྲིག་ཆགས་སམ་ འདོད་སྤྱོད་དང་འབྲེལ་བའི་ གནོད་འཚེ་འབད་ཡོད་པའི་ ཉེས་འཛུགས་རྐྱངམ་གཅིག་ འབད་ཡོདཔ་ཨིན་པས།
འབྲུག་གི་ཉེས་འགེལ་ཁྲིམས་དེབ་དང་འཁྲིལཝ་ད་ བརྡབ་གསིག་གི་ འཁྲིག་ཆགས་གནོད་འགེལ་དེ་ ཉེས་པ་ཡང་ཕྲ་ཨིནམ་ལས་ རྩོད་བཤེར་གྱི་དོན་ལས་ ཁྲིམས་སྲུང་འགག་སྡེ་ལུ་ བཏང་ཡོད་པའི་གནས་ཚུལ།

ཉིམ་རྡོ་རྗེ། ཀྲོང་གསར།

 

About admin

Check Also

བཀྲིས་གཡང་རྩེ་ ཡ་ལང་གི་མི་ཚུ་གིས་ ཐིང་ངེ་ལུ་བརྟེན་ འཚོ་བ་སྐྱོང་དོ་ཡོདཔ།

༉ བཀྲིས་གཡང་རྩེ་ ཡ་ལང་རྒེད་འོག་ གནམ་ཐེ་དང་ ཡེར་ཕི་གཡུས་ཚན་དེ་ ཐིང་ངེ་ཐོན་སྐྱེད་འབད་སའི་ ཡོངས་གྲགས་ཅན་གྱི་ ས་གནས་ཅིག་ཨིན་པས། དེ་ཡང་ ཚོདམ་ཞིམ་ཏོང་ཏོ་བཟོ་ནི་དང་ བཟའ་ཁམས་གཏགས་ནིའི་དོན་ལུ་ ཐིང་ངེ་བླུགས་ཏེ་བཟོ་དོ་ཡོདཔ་ད་ གཡུས་ཚན་ནང་ལྷོད་པ་ཅིན་ ཚོདམ་ནང་རྐྱངམ་གཅིག་མེན་པར་ ཁྱིམ་ག་རའི་གདོང་ཁར་ …

Leave a Reply

Your email address will not be published. Required fields are marked *