འབྲུག་པའི་སྡེ་ཚན་(ཁེན་འཇར་དཀརཔོ་)དང་ མཱལ་དེབསི་སྡེ་ཚན་གྱི་བར་ན་ རྩེད་འགྲན་འབད་བའི་བསྒང་།

འབྲུག་པའི་སྡེ་ཚན་གྱིས་ མཱལ་དིབསི་སྡེ་ཚན་ ཕམ་བཏང་ཡོདཔ།

༉ ད་རེས་ནངས་པར་ མཱལ་དེབསི་ལུ་སྦེ་ སྐྱེས་ལོ་༡༥ མན་ཆད་འབད་མི་ རྒྱལ་ཡོངས་ཕུཊ་བཱོལ་རྩེད་འགྲན་འབད་མི་ཚུ་གིས་ རྒྱལ་སྤྱི་ཡུ་ཨི་ཨེཕ་ཨེ་ཕུཊ་བཱོལ་རྩེད་འགྲན་ནང་ གོ་སྐབས་ལེན་ནིའི་དོན་ལུ་ འབྲུག་དང་ མཱལ་དེབསི་སྡེ་ཚན་༢ ཀྱི་བར་ན་ རྩེད་འགྲན་འབདཝ་ད་ འབྲུག་པའི་སྡེ་ཚན་གྱིས་ གཱོལ་༢ བཙུགས་ཏེ་ རྒྱལ་ཁ་ཐོབ་ནུག།
དེ་ཡང་ སྤྱི་ཟླ་༧ པའི་ཚེས་༢༠ ལུ་ མཱལ་དེབསི་གི་ ཕུཊ༌བཱོལ་རྩེད་ཐང་ནང་སྦེ་ འགོ་དང་པ་ར་ འབྲུག་པའི་རྒྱལ་ཡོངས་རྩེད་འགྲན་པ་དང་ ལས་རིམ་འགོ་འདྲེན་འཐབ་མི་ མཱལ་དེབསི་རྒྱལ་ཡོངས་རྩེད་འགྲན་སྡེ་ཚན་དང་ རྩེད་འགྲན་འགོ་བཙུགས་ཏེ་ དུས་ཡུན་སྐར་མ་༧ མ་ལངམ་ཅིག་ལུ་ འབྲུག་པའི་རྩེད་འགྲན་པ་ འཇིགས་མེད་རྣམ་རྒྱལ་གྱིས་ གཱོལ་དང་པ་ བཙུགས་ནུག།
དུས་ཡུན་སྐར་མ་༢༥ འི་ནང་ འབྲུག་པའི་སྡེ་ཚན་གྱི་དོ་དམ་ བི་ཀཱསི་ པར་དཱན་གྱིས་ གཱོལ་བཙུགས་ཡོདཔ་ལས་ འབྲུག་པའི་སྡེ་ཚན་གྱིས་ གཱོལ་༢ བཙུགས་པའི་སྐབས་ བྱང་ཕྱད་སྡེ་ཚན་གྱིས་ གཱོལ་གཅིག་ཡང་ བཙུགས་མ་ཚུགས་པས།
ཨིན་རུང་ བར་མཚམས་ངལ་གསོའི་ཤུལ་ལས་ མཱལ་དེབསི་ལས་ རྩེད་འགྲན་པ་ ཨ་དཱམ་གྱིས་ འབྲུག་པའི་སྡེ་ཚན་ལུ་ གཱོལ་བཙུགས་ཡོད་རུང་ གཱོལ་ཐེབས་ག་གིས་ཡང་ བཙུགས་མ་ཚུགསཔ་ལས་ འབྲུག་པའི་སྡེ་ཚན་གྱིས་ སྐུགས་༣ ཐོབ་ཡོདཔ་ཨིན།
དེ་བཟུམ་སྦེ་ སྤྱི་ཟླ་༧ པའི་ཚེས་༢༡ ལུ་ སའུ་དི་ཨ་ར་བི་ཡ་དང་ ལཊ་བི་ཡ་སྡེ་ཚན་གཉིས་ཀྱི་བར་ན་ དོ་འགྲན་འབད་བའི་སྐབས་ སའུ་དི་ཨ་ར་བི་ཡ་གིས་ བྱང་ཕྱད་སྡེ་ཚན་ལུ་ གཱོལ་༡ བཙུགསཔ་ད་ བྱང་ཕྱད་ཀྱིས་ གཱོལ་༤ བཙུགས་ཏེ་ ཕམ་བཏང་ནུག།
ཨིན་རུང་ རྒྱལ་ཁབ་༤ གི་བར་ན་ ལིག་སྐོར་ཐེངས་རྩེད་འགྲན་འབད་དོ་ཡོདཔ་ད་ ད་རིས་ མཱལ་དེབསི་དང་ སའུ་དི་ཨ་ར་བི་ཡ་སྡེ་ཚན་༢ ཀྱི་བར་ན་ རྩེད་འགྲན་འབད་ནི་དང་ ནངས་པར་ འབྲུག་པའི་སྡེ་ཚན་དང་ ལེཊ་བི་ཡ་སྡེ་ཚན་༢ ཀྱི་བར་ན་ རྩེད་འགྲན་འབད་ནི་ཨིན་པས།
གལ་སྲིད་ འབྲུག་པའི་སྡེ་ཚན་གྱིས་ རྒྱལ་ཁབ་༢ ལས་ རྒྱལ་ཁ་འཐོབ་ཚུགས་པ་ཅིན་ རྒྱལ་ཁབ་གཞན་ཚུ་དང་ དོ་འགྲན་འབད་ནིའི་ གོ་སྐབས་འཐོབ་ནི་ཨིན་པའི་གནས་ཚུལ།

བཀྲིས་ཕུན་ཚོགས།

About admin

Check Also

མོང་སྒར་ཁྲོམ་ཁར་ སི་སི་ཊི་བི་པར་ཆས་ཚུ་ གཞི་བཙུགས་འབད་ནི།

༉ མོང་སྒར་ཁྲོམ་གྱི་ ས་ཁོངས་ལྟེ་བའི་ནང་ ཉེན་སྲུང་གི་དོན་ལུ་ སི་སི་ཊི་བི་པར་ཆས་ གཞི་བཙུགས་འབད་བའི་བསྒང་ལས་ ས་ཁོངས་དེ་ནང་ ཁྱད་རིག་ལྡན་པའི་ཁྲོམ་གྱི་བསམ་གཞི་ལུ་ གཞི་བཞག་སྟེ་བཟོ་མི་ ཁྲོམ་གྱི་མཐུན་རྐྱེན་ཚུ་ ཚང་ནི་ཨིན་པས། མོང་སྒར་ཁྲོམ་ལྟེ་བ་དེ་ མོང་སྒར་ཁྲོམ་གྱི་འོག་ལུ་ ས་གནས་ས་ཁོངས་འཆར་གཞི་༧ ཡོད་པའི་ནང་ལས་ …

Leave a Reply

Your email address will not be published. Required fields are marked *