མི་དབང་རྒྱལ་སྲས་ འཇིགས་རྒྱལ་ཨོ་རྒྱན་དབང་ཕྱུག་མཆོག་དང་ ཨའི་ཨོ་སིའི་གཙོ་འཛིན་ ཐོ་མཱསི་བེཆ།

མི་དབང་རྒྱལ་སྲས་མཆོག་ རྒྱལ་སྤྱི་ཨོ་ལིམ་པིག་ཚོགས་སྡེའི་ འཐུས་མི་སྦེ་ བསྐོ་བཞག་གནང་ཡོདཔ།

༉ མི་དབང་རྒྱལ་སྲས་ འཇིགས་རྒྱལ་ཨོ་རྒྱན་དབང་ཕྱུག་མཆོག་ སྤྱི་ཟླ་༡༠ པའི་ཚེས་༩ ལུ་ བུ་ནོསི་ཨེ་ཡརསི་ལུ་ རྒྱལ་སྤྱི་ཨོ་ལིམ་པིག་ཚོགས་སྡེའི་ ཞལ་འཛོམས་ཐེངས་༡༣༣ པའི་ནང་ ཨའི་ཨོ་སི་ཟེར་ རྒྱལ་སྤྱི་ཨོ་ལིམ་པིག་ཚོགས་སྡེའི་ འཐུས་མི་སྦེ་ བསྐོ་བཞག་གནང་ནུག།

ཟླཝ་འདི་ནང་ བུ་ནོསི་ཨེ་ཡརསི་ལུ་ ན་གཞོན་ཨོ་ལིམ་པིག་རྩེད་འགྲན་གྱི་ཧེ་མར་འཚོགས་མི་ ཞལ་འཛོམས་ནང་ ཚོགས་སྡེའི་དོན་ལུ་ འཐུས་མི་གསརཔ་ཚུ་ བཙག་འཐུ་འབད་མི་དེ་ཡང་ དུས་ཅི་ སྤྱི་ཟླ་༧ པའི་ནང་ ཨེའི་ཨོ་སི་འཛིན་སྐྱོང་བཀོད་ཚོགས་ཀྱིས་ གྲོས་འཆར་བཙུགས་མི་དང་འཁྲིལ་ཨིན་པས།

འཐུས་མི་གསརཔ་ཚུ་ གསལ་བསྒྲགས་འབད་བའི་སྐབས་ ཨའི་ཨོ་སིའི་གཙོ་འཛིན་ ཐོ་མཱསི་བེཆ་གིས་ བཤད་མིའི་ནང་ འཐུས་མི་གསརཔ་ཚུ་གི་ ཁྱད་རིག་ཚུ་ལས་ ཨོ་ལིམ་པིག་ལས་དོན་ལུ་ ཕན་ཐོགས་སྦོམ་འབྱུང་ནི་ཨིནམ་མ་ཚད་ རྩེད་རིགས་ཚུ་ནང་ ཡོན་ཏན་རྒྱ་ཆེཝ་སྦེ་ཡོད་མི་དེ་གིས་ རྒྱལ་སྤྱི་ཨོ་ལིམ་པིག་ཚོགས་སྡེའི་ འཐུས་མི་ཚུ་ལུ་ ཧེང་སྐལ་ར་ ནུས་ཤུགས་དང་ ལྷན་ཐབས་འབྱུང་འོང་ཟེར་ཨིན་པས།

མི་དབང་རྒྱལ་སྲས་མཆོག་ འབྲུག་ཨོ་ལིམ་པིག་ཚོགས་སྡེའི་ནང་ རྒྱལ་ཚབ་དང་ གཙོ་འཛིན་ཨིནམ་མ་ཚད་ འབྲུག་རྒྱལ་ཁབ་ནང་ རྩེད་རིགས་གོང་འཕེལ་གཏང་ཐབས་ལུ་ ཚེོགས་སྡེ་དང་ ལུས་རྩལ་ཚུ་ནང་ མཉམ་འབྲེལ་གང་དྲག་ཐོག་ ཕྱག་ལཱ་མཛད་ཡོད་པའི་གནས་ཚུལ།

About admin

Check Also

ལཱ་གཡོག་མ་ཐོབ་མི་དེ་ གནད་དོན་ག་ཅི་ཨིན་ན?

༉ རྒྱལ་ཡོངས་རྩིས་དཔྱད་བཀོད་འཛིན་དང་འཁྲིལ་བ་ཅིན་ ལཱ་གཡོག་ཐོབ་མི་ཚུགས་པས་ཟེརཝ་ད་ ཧེ་མ་ ལཱ་འབད་ར་ མ་འབད་མི་ལུ་གོ་ཟེར་ཨིནམ་ད་ ལཱ་གཡོག་མེད་མི་ཚུ་གི་གྲས་ལས་ ལཱ་གི་ཉམས་མྱོང་མེད་མི་དེ་ མཐོ་ཤོས་ཨིནམ་སྦེ་ གསལ་སྟོན་འབད་ནུག། དེ་ཡང་ འཕྲལ་ཁམས་ཅིག་ཁར་ གསལ་སྟོན་འབད་མི་ སྤྱི་ལོ་༢༠༡༨ ཀྱི་ …

Leave a Reply

Your email address will not be published. Required fields are marked *