དད་ཅན་སྐྱ་སེར་ཚུ་གིས་ བཛྲ་གུ་རུ་དུང་སྒྲུབ་ བསགས་པའི་བསྒང་།

བུམ་ཐང་སྐུ་རྗེས་ལུ་ བཛྲ་གུ་རུ་དུང་སྒྲུབ་ འགོ་བཙུགས་ཡོདཔ།

༉ བུམ་ཐང་སྐུ་རྗེས་ལུ་ ལོ་བསྟར་གནང་སྲོལ་ཡོད་པའི་ བཛྲ་གུ་རུ་དུང་སྒྲུབ་ ཐེངས་༢༡ པ་དེ་ སྤྱི་ཟླ་༥ པའི་ཚེས་༡༢ ལས་ གཞུང་གྲྭ་ཚང་གི་ དབྱངས་པའི་སློབ་དཔོན་བགྲེསཔ་ སངས་རྡོ་རྗེ་གིས་ དབུ་བཞུགས་ཐོག་ལས་ དགེ་སློང་ཞེས་གྲངས་༣༠༠ དེ་ཅིག་གིས་ གནང་དོ་ཡོདཔ་ཨིན་པས།
ཀྲོང་གསར་རབ་སྡེའི་ དྲུང་ཆེན་གྱིས་ སླབ་མིའི་ནང་ ཨ་རྟག་འབད་བ་ཅིན་ བཛྲ་གུ་རུ་དུང་སྒྲུབ་དེ་ རང་ཟླ་༣ པའི་ཚེས་༡༥ ལས་ འགོ་བཙུགསཔ་ཨིན་རུང་ དུས་ཅི་ ཚེས་༨ ལས་ འགོ་བཙུགས་དགོ་མི་དེ་ཡང་ ད་ལས་ཕར་ སྐུ་རྗེས་ལུ་ དུང་སྒྲུབ་ལ་སོགས་པའི་ ཆོས་ཕྱོགས་ཀྱི་ལས་རིམ་ ཁག་ལེ་ཤ་ཅིག་ར་ འགོ་འདྲེན་འཐབ་དགོཔ་ལས་ ག་ར་ ཁ་ཐུག་མ་ཕོག་པར་ འགོ་འདྲེན་འཐབ་ནིའི་དོན་ལུ་ཨིན་ཟེར་ ཨིན་པས།
ད་རིས་ མི་མང་ལུ་ ཕུར་པའི་དབང་གནང་ནི་ཨིནམ་ད་ བཛྲ་གུ་རུ་དུང་སྒྲུབ་དེ་ རྒྱལ་ཁབ་ཀྱི་ བསྟན་སྤྱིའི་སྐུ་རིམ་སྦེ་ ཉིན་གྲངས་༡༥ འི་རིང་ འགོ་འདྲེན་འཐབ་ནི་ཨིན་པས།
བུམ་ཐང་དང་ ཉེ་འདབས་ཀྱི་ རྫོང་ཁག་ཚུ་ནང་ལས་ དད་ཅན་གྱི་མི་སེར་༧༠༠ ལྷགཔ་ཅིག་གིས་ བཛྲ་གུ་རུ་དུང་སྒྲུབ་ནང་ བཅའ་མར་གཏོགས་དོ་ཡོད་པའི་གནས་ཚུལ།

ཉིམ་རྡོ་རྗེ། ཀྲོང་གསར།

About admin

Check Also

བཀྲིས་གཡང་རྩེའི་ མི་སེར་ཚུ་གིས་ སྒོ་ནོར་གསོ་སྐྱོང་འབད་ནི་ལུ་ སྤྲོ་བ་བསྐྱེད་དོ་ཡོདཔ།

༉ བཀྲིས་གཡང་རྩེ་ཁྲོམ་ཁར་ ཨོ་ཆས་བཙོང་སའི་ཁང་མིག་ནང་ དྲོ་པ་ལས་ར་ ཨོམ་དང་མར་ དར་ཚིལ་ ཞོ་གིས་ གང་སར་མཐོངམ་ཨིནམ་པས། དེ་ཡང་ བཀྲིས་གཡང་རྩེའི་མི་ཚུ་གིས་ སྒོ་ནོར་ལེགས་ཤོམ་སྦེ་ གསོ་སྐྱོང་འཐབ་དོ་ཡོད་པའི་ རྟགས་མཚན་ཨིནམ་མ་ཚད་ སྒོ་ནོར་གྱི་ཐོན་སྐྱེད་ཡར་དྲག་སོང་ཡོད་པའི་ རྟགས་མཚན་ཅིག་ཡང་ …

Leave a Reply

Your email address will not be published. Required fields are marked *